I.T買入A BATHING APE的戰略意義(下)BAPE創辦人NIGO撤底失敗 A BATHING APE

前言

承接上一篇的【I.T買入A BATHING APE的戰略意義(上)BAPE還“潮”嗎? 】,下篇同样是这位香港笔者的文章,同样为了保持文章的原汁原味。这次CatWhy就不作简体化或者任何的修改了。以方便能看懂的读者查看。

这是一篇很有意思的文章,是一个香港人的角度来写的,所以是繁体的粤语。因为比较多的地道语言,所以这次CatWhy就不再这里把其翻译成简体国语了。看不懂繁体的朋友可以点击CatWhy下方导航栏的简繁体转换尝试看看。

文章很长,不过有写到很多有意思和见血的地方。ENJOY!

关于BAPE被I.T集团收购的来龙去脉,可以查看CatWhy先前的文章:
Bape主理人Nigo的Nowhere集团将被沈嘉伟I.T集团收购
Nigo首度开腔Nowhere被I.T集团的收购,WWD专访中文翻译

I.T買入A BATHING APE的戰略意義(下)BAPE創辦人NIGO撤底失敗

日本人的堅持, 卻違反了商業效益

日本人對品質是非常非常堅持的.

於 1995年 NOWHERE 成立開始, NIGO 是著重品質, 款色和創意. 每一件產品也不只是賣 “logo”. 因此於裏原宿, NIGO 很快便打響名堂.

之後, 猿人 logo 令 NOWHERE 更上幾層樓. 但是, NIGO 仍然有着日本人的堅持. 就是, 貨品一定是創新和限量, 店舖一定要美觀, 顧客一定要感到賓至如歸.

這些堅持, 其實某情度上違反了商業效益.

第一, 一大間舖, 只擺放少量貨品 (其實日本很多店舖也是這樣的).

你見到既 1000 尺地方, 中間放着一個背包, 四邊放着幾排衣服. 成間舖好似大清貨已經賣光咁.
係, 客人一走入去, 當然有空間感, 當然好 feel, 當然舒服, 但是租金是多少? 每件貨品佔租金比例又是多少.
香港既小店, 二三百尺卻擺放大量貨品, 務求用盡每一寸地方.

第二, 一間店舖, 有着很多 sales.

如果你有去過日本 BAPE 既店舖, 會常常見到門外排着長龍等侯, 但卻不是排隊買限量版, 而只是等候內進. 當你望一望店內, 卻只有數名客人. 是否很奇怪?
其實, 是 NIGO 要一個 sales, 服侍一個至兩個客人, 所以不容許一次過有大量客人在舖內. 讓每一個客人, 都有着被人重視既感覺, 每一個客人, 都是 VIP. 但這樣, 不是損失了很多機會成本嗎? (有些客人因為見要排隊而放棄, 有些客人因為等得太耐而走左.)

0係香港, 睇下 SOGO, 一定係越多人越好, 唔理你地有幾迫, 最緊要入黎睇下.

第三, BAPE 差不多每件貨品都是限量的.

冇話限量既可能只有 100 件, 限量既可能只有 20 件. 限量的貨品, 在開售當日頭一個鐘內, 便售罄. 不限量的貨品, 在兩三日至一星期便售罄. 其他日子, sales只是閒著或是等待水魚進來買一些剩餘既豬頭骨. 最重要既係, 你唔好諗住過兩日會再返貨, 0係日本, 賣完既野就一定冇. 很多遊客, 去過日本 BAPE (或其他潮舖 e.g. Neighborhood, Visvim, Mastermind Japan) 後都異口同聲話 “冇野賣, 0係香港水貨舖俾多少少錢買好過”. 而香港潮界也有著一個不名文意識, 就係 “如果你想知道件貨潮唔潮, 去專門店睇睇, 仲有貨既, 就一定唔好買.”

其實, 在商人的角度, 印多一件, 立即賣多一件, 何樂而不為呢? 有100人想買, 冇理由只選擇賣俾5個人. 一個鐘賣晒 50 件, 之後印多 50 件 都一樣會賣晒, 咁咪好過印銀紙?

0係香港, 件貨好賣, 一定賣到盡, 直到變成豬頭骨為止, 咁就賺多好多好多. 但係, 件 BAPE 既限量 Tee, 可能賣到 1000 件, NIGO 卻只做 20 件.

第四, NIGO 對品質控制很有堅持.

大部份 BAPE 的產品都是日本製的. 日本既生活指數, 日本人既人工, 工廠既成本, 一定高好多, 所以件貨既成本都會多好多. 雖然, 對於 6000 yen 一件 Tee, 已經賺好多, 但其實可以再賺更多.

NIGO係一個好 designer, 卻未必係一個好企業家

BAPE 唔係 LV, 唔係CHANEL, 但NIGO (其實是大多數日本人) 卻有著以上這些堅持, 務求令客人舒服, 務求令貨品獨一無二, 務求令貨品質量提高.

以上既堅持, 對於最初的小店 BAPE來說, 當然能大賺. 但當 BAPE 越是發展, 直到全球有 350 間店, 每一小小既成本, 也影響重大. 而 NIGO, 係一個好 designer, 卻未必係一個好企業家. 如上一篇文章所講, NIGO 已經被寵壞了, 沒有新創意, 但仍然能大賺特賺. 到最後, 當潮人們都捨棄 BAPE 既時候, BAPE 已經開始走下坡了. 想一想, 營業額減少但成本卻依舊, 這間公司會如何.

看一看 BAPE 的業績 (先不計非經常性項目和稅):
2009 年, 蝕 9700 萬 yen (970萬港元左右), 2010 年, 賺 1460萬 yen (146萬港元左右). 這兩年既業績, 連香港既一間龍頭水貨舖都不如.
如計及非經常性項目和稅:
2009 年, 蝕 2億6700 萬 yen (2670萬港元左右), 2010 年, 蝕 1億2000 萬 yen (1200萬港元左右).

恐怖!!!!
很難想像, 一間每日排長龍既店舖, 一間印銀紙既公司, 竟然會有這種業績. 如我所說, NIGO, 不是一個好企業家.

NIGO 策略錯誤?

NIGO 不知是否有做錯, 就是在全球開專門店, 這不是封殺了各大水貨舖嗎? 水貨舖還會為 BAPE 去 sell 品牌嗎? 之前, 因為沒有專門店, 水貨舖有利潤, 才會不斷為 NIGO 推廣 BAPE 這品牌. 現在, 有了專門店, 水貨舖當然會反轉豬肚, 推另一些有利可圖的品牌, 而大踩特踩 BAPE. 要知道, 水貨舖是潮流指標, 是潮人集中地. (很多名星也是一些水貨舖的忠實 FANS, 因為他們要最新最潮.) 這種影響力, 將 BAPE 這個潮流教父推落深淵.

NIGO 放棄了

最後, NIGO 見前無去路, 竟以超抵價 1.2億日元 (1200 萬港元左右), 將其股份賣給 I.T.!
連同其他人既股份, I.T. 總共用左 2.3億日元 (2300 萬港元左右) 收購了NOWHERE 90.27%. (當然, NOWHERE 還有1億港元負債淨額啦.)

為什麼我會說是超抵價?

2300萬港元是什麼樣的價錢?
一件 “一定賣得出” 既 BAPE zip up, 是 $4000 港元. 假設毛利係60% (可能更多, 因為衣服既成本係好低既, 一件 made in china 既 tee, 大量做, 可能只需 $10 一件), 一件可賺 $2400.
2300 萬盈利只需要賣 9584 件. 而且係全球喎. 350 間 BAPE, 即係每間賣 28件.
想一想, 每間 BAPE賣 28 件, 就可以賺左成間 NOWHERE. 你話抵唔抵?

咁點解 NIGO 會唔去印呢幾千件 zip up, 而卻選擇賣盤?

一定係連佢都 “極” 唔睇好呢個品牌啦. 係, 係 “極” 唔睇好.

佢可能覺得, 就算賺左呢幾千萬, 再賺重覆重覆咁賺多幾千萬, 都未必夠倒貼呢 350 間舖既營運成本. (佢盤數冇講 operating cost, administrative cost 等資料.)
而呢d 問題可能就係上面所講既堅持引致違反商業效益既問題, 令到 BAPE 蝕大錢.

當然, 你會話 NOWHERE 仲有1億負債喎. NIGO 可能唔想揹呢.

要知道, 潮野真係印銀紙咁印架. d 人買 $10000 蚊 (原價) 一件既木村拓哉 Hero日劇著過既 BAPE down jacket, 好似唔駛錢咁, 排通宵咁辛苦仲要俾成萬銀去買. 最後, 件 jacket 炒到 $18000.

咁, 如果 NIGO 覺得 BAPE 仲會 run 得好好, 仲好有前景, 其實, 每月既 cashflow 已經夠還大量負債啦.

如果連最了解 BAPE 既營運情況同前景既 NIGO 都以極抵價賣盤, 可以想像 BAPE 有幾大鑊.

原文链接:http://www.snb.hk/blog/front/blogdetail.aspx?postid=47014&blogid=19442

非特殊声明均为本站原创文章,转载请注明: 转载自CATWHY 潮流追踪

本文链接地址: I.T買入A BATHING APE的戰略意義(下)BAPE創辦人NIGO撤底失敗

声明: 本站遵循 署名-非商业性使用-相同方式共享 2.5 共享协议. 更多权限请联系CatWhy 潮流追踪